不如談死

復活節，不如談死。

昨天袓母不斷說：「我唔得架啦，應該好快會死。我死左的話，你唔使驚嘅嘩。我啲被鋪全都甩掉就可以了。」接著，她說起一連串舊事：「以前，妳老豆，讀三年書都係一年級，最後用幾十蚊送佢去讀私校囉。年年都一年級，幾陰公作呀。」「有一晚，我去第二度做野，好夜先返來。返到來，妳老豆話：我想去搵你呀。唔敢一個人瞓囉，要等埋我返來先瞓。」一邊說，眼鼻都通紅。但她進步了，沒有再哭啼；我也進步了，一邊豎起耳朵聽一邊做其他事。

看了幾家西醫和中醫，老人病一直未有條理好。我唯有出絶招：「入醫院啦！」

「我唔入呀，入到去成條死屍咁瞓係度，啲野又唔好食。我未死，死先入去呀。」

「成日都頭暈暈，睇極都唔好，唔知係咪就嚟死呢？！」

為了緩和她的情緒，再看中醫去，醫師說：「她的血壓和心跳都好正常，有排都唔會死。」

生命很特別。